القدس

Article in other languages:

الدوله المملوكيه فى أكبر توسع ليها

القدس ، أو بيت المقدس ، أو اورشليم ، مدينه فى وسط فلسطين فوق تل صخرى من تلال منطقة يهوديه. ليها اهميه دينيه عند اتباع الديانات الابراهيميه التلاته:اليهوديه و المسيحيه و الاسلام. فيها حائط المبكى اللى بيعتبره اليهود انه مبنى من حجاره اتاخدت من هيكل سليمان ، و فيها القبر المقدس اللى بيعتبر المسيحيين ان المسيح اتدفن فيه ، و فيه قبة الصخره و المسجد الاقصى اللى المسلمين بيعتبروه المكان اللى اسرى ليه النبى محمد و كان اول القبلتين.

القدس متقسمه قسمين : القدس القديمه و القدس الجديده. الاولى بيحيط بيها سور بناه السلطان العثمانلى سليمان القانونى سنة 1541. القدس فيها كنايس و اديره للطوايف المسيحيه المختلفه. بيتقال ان تاريخها بيرجع للقرن الخمستاشر قبل الميلاد و فى التاريخ التوراتى كانت عاصمة الملك داود و ان ابنه سليمان بنى فيها هيكله. استرجعت مجدها بعد ما الامبراطور قسطنطين الاول اعتنق المسيحيه. استولى عليها المسلمين و وقعت فى ايد الصليبيين وقت الحمله الصليبيه الاولى سنة 1099 و استردها المسلمين على ايد صلاح الدين الأيوبى سنة 1187 و وقعت فى ايد الامبراطور فريدريك التانى عن طريق اتفاقية سلام مع الملك الكامل و استردها المسلمين تانى على ايد السلطان الصالح نجم الدين أيوب و الخوارزميه و فشل الصليبيين فى الاستيلاء عليها تانى بسبب تصدى الدوله المملوكيه فى مصر ليهم. فى سنة 1917 استولى عليها الانجليز وقت الحرب العالميه الاولى و عملوها عاصمه ليهم فى فلسطين وقت انتدابهم عليها و بعد ما خلص انتدابهم قامت حرب عليها بين اليهود من جهه و العرب و مصر من جهه و على فلسطين اتعرفت بإسم حرب 1948 و كانت من نتايج الحرب دى انها اتقسمت للقدس القديمه ( فى ايد الفلسطينيين ) و القدس الجديده ( فى ايد اليهود ) و استمر الحال على كده لغاية ما قامت حرب 67 ووقعت القدس القديمه كمان فى ايد الاسرائيليين و فضل الوضع على كده لغاية النهارده.

اتجابت من "http://arz.wikipedia.org/wiki/%D8%A7%D9%84%D9%82%D8%AF%D8%B3"

Questions for article:

This article is from Wikipedia. All text is available under the terms of the GNU Free Documentation License.


IHS Europe: Infrared Heating Systems for Home and Business.